«20./21.01.2018 Cold Ice & Spa»
Klicke auf ein Bild, um im Album zu blättern.
Gschtartet simer z 4ert ds Bärn. Nadisna si immer meh Lüt zuegstiege. Aus 8chöpfigi Gruppe simer schlussändlech uf dr Ägstligealp acho. 3 Gummiwandzombis, 2 Pickuwärfprofis, 1 Mittumeersünneler u 2 Saunachiller ziehts grad zerscht i d Beiz für die nötwändige Instruktione u e Stärkig izhole. Anschliessend hei mer mit Ischbouldere üs a d Stigise u Pickle gwöhnt. Rächt schnäu isches immer steiler worde, wo mer im Toprope wie Ischgeckos si obsi gange.
Pickuwärfprofis hei ihri Wurffähigkeite unger Bewiis gstellt. D Mittumeersünnelerin het ihri Sünnebrüue gäge d Skibrüue ustuschet. De Gummiwandzombis het z Isch o nüt usgmacht u si si obsi gange wie jungi Zombirehli.
Mit emene Bierli ir Hand ir Sauna si am Abe d Saunachiller ou no uf ihri Chöschte cho.
Am Sunntig hets gschtrubusset, doch mir hei üs nid la abhaute u hei äs richtigs Himalayanordwandabentür gha. Wäg dr grosse Lawinegfahr heimer vo obe här gsicheret u so si mir usserhaub vor Gfahrezone gsi.
Fürs nächschte Mau Zahnside mitnäh u guet d Zwibackfreese putze!
Trotz Souwätter mit starke Windböene heimers sehr gnosse, denn äs git keis schlächts Wätter nume schlächti Usrüschtig ;-)
Lena, Annina, Felix, Silvan, Bettina, Lukas, Chrigu, Simu
Pickuwärfprofis hei ihri Wurffähigkeite unger Bewiis gstellt. D Mittumeersünnelerin het ihri Sünnebrüue gäge d Skibrüue ustuschet. De Gummiwandzombis het z Isch o nüt usgmacht u si si obsi gange wie jungi Zombirehli.
Mit emene Bierli ir Hand ir Sauna si am Abe d Saunachiller ou no uf ihri Chöschte cho.
Am Sunntig hets gschtrubusset, doch mir hei üs nid la abhaute u hei äs richtigs Himalayanordwandabentür gha. Wäg dr grosse Lawinegfahr heimer vo obe här gsicheret u so si mir usserhaub vor Gfahrezone gsi.
Fürs nächschte Mau Zahnside mitnäh u guet d Zwibackfreese putze!
Trotz Souwätter mit starke Windböene heimers sehr gnosse, denn äs git keis schlächts Wätter nume schlächti Usrüschtig ;-)
Lena, Annina, Felix, Silvan, Bettina, Lukas, Chrigu, Simu